ვლადიმერ პუტინმა მოჯთაბა ხამენეის ირანის უზენაეს ლიდერად არჩევა მიულოცა – ინფორმაციას რუსული პროპაგანდისტული მედია ავრცელებს.
„მის აღმატებულებას, ირანის ისლამური რესპუბლიკის უზენაეს ლიდერს, აიათოლა სეიედ მოჯტაბა ჰოსეინი ხამენეის: გთხოვთ, მიიღოთ ჩემი გულწრფელი მილოცვა ირანის ისლამური რესპუბლიკის უზენაეს ლიდერად არჩევასთან დაკავშირებით“ – ნათქვამია მიმართვაში.
პუტინი დარწმუნებულია, რომ ირანის ახალი უზენაესი ლიდერი „ღირსეულად“ გააგრძელებს მამის მოღვაწეობას და გააერთიანებს ირანელ ხალხს „მძიმე განსაცდელების წინაშე“.
მანვე დასძინა, რომ რუსეთი კვლავაც თეირანის გვერდით დარჩება და სურს „დაადასტუროს თეირანისადმი ურყევი მხარდაჭერა და სოლიდარობა ჩვენს ირანელ მეგობრებთან“.
დღეს ცნობილი გახდა, რომ ირანის ექსპერტთა საბჭომ ალი ხამენეის შვილი, მოჯთაბა ხამენეი ქვეყნის მესამე უმაღლეს ლიდერად აირჩიეს.