ქუთაისის მერის, დავით ერემეიშვილის განცხადებით, სავარაუდოდ, გაზის გაჟონვის შედეგად მომხდარმა აფეთქებამ დააზიანა კორპუსის მეხუთე სართული. დაშავებული ქალი საავადმყოფოშია გადაყვანილი, არის კონტაქტური.
როგორც ერემეიშვილი ამბობს, დაზარალებულის ინფორმაციით, ის ცდილობდა გაზის გამათბობლის ანთებას.
მერის ვარაუდით, საჭირო გახდება კორპუსიდან 15 ოჯახის გაყვანა, რომელთათვისაც სასტუმროები უკვე მოძებნილია.
“ამ დილით მოხდა გაზის გაჟონვის ფაქტი, წინასწარი ვარაუდით, რამაც გამოიწვია აფეთქება. დაზიანებული არის კორპუსის მეხუთე სართული, სადაც უშუალოდ მოხდა ეს დაზიანება. ქალბატონი, მარტოხელა, რომელიც ცხოვრობდა ამ კორპუსში გადაყვანილი არის სამედიცინო დაწესებულებაში, უტარდება გამოკვლევები, კონტაქტური არის. მისგან მიღებული ინფორმაციით, გაზის გამათბობლის ანთებას ცდილობდა, როდესაც მოხდა აფეთქება.
ამ ეტაპისათვის და ვიზუალური დათვალიერებით აღინიშნება მხოლოდ ამ საცხოვრებელში დაზიანება. ახლა ადგილზე მუშაობს გაზის კომპანია, ადგილზე ცოტა ხანში მოვა უკვე სამხარაულის წარმომადგენელი, რომელიც დაადასტურებს ბინის მდგრადობას და რამდენი ოჯახის გაყვანა მოგვიწევს ამ ეტაპზე. ამ ეტაპისთვის, ვფიქრობთ, რომ 15 ოჯახი იქნება გასაყვანი, რომელსაც უკვე მოვუძიეთ სასტუმროები.” – თქვა დავით ერემეიშვილმა ჟურნალისტებთან.
შეგახსენებთ, რომ 19 ნოემბერს ქვემო ფონიჭალაში გაზის აფეთქების შედეგად, ხუთსართულიან კორპუსში ნგრევას ექვსი ადამიანის სიცოცხლე ემსხვერპლა. 7 ადამიანის ძებნა-შველის ოპერაციები მთელი დღის განმავლობაში მიმდინარეობდა. ნანგრევებიდან ცოცხალი მხოლოდ 3 წლისა და 9 თვის თაია გამოიყვანეს
