ღმერთისგან შველა თუ არ გინდათ, “გირჩმა” გიშველოთ – ასე მიმართავს ჭყონდიდის მიტროპოლიტი სტეფანე (კალაიჯაშვილი) დასჯილ სასულიერო პირებს.
“ამათმა, ვინც ჩვენგან განიკვეთა და ვისაც აკრძალული აქვს მღვდელმსახურება, წავიდნენ და დაუდგენ იმ გირჩებს და იმათგან ითხოვენ შველას. ნუ, ღმერთისგან შველა თუ არ გინდა, გირჩმა გიშველოს, არ არის პრობლემა, ვისაც როგორ უნდა, მაგრამ, ვეუბნებით, რომ “გირჩი” ვერ გიშველით, ეკლესიაში უნდა მოხვიდეთ და შენდობით დადგეთ ღვთის წინაშე,”- განაცხადა მიტროპოლიტმა.
თავის მხრივ მიტროპოლიტმა საზოგადოებას შენდობა სთხოვა.
“მადლობა იმათ, რომ მიმანიშნეს იმ სიტყვებზე, რომელიც არ უნდა გამოვიყენო და შენდობას ვთხოვ და მადლობას ვუხდი მათ ყველას, ვეცდები, რომ გამოვსწორდე” – დასძინა მან.
ცნობისთვის, მიტროპოლიტი, მონაზონი სოსანა ღამის საათებში ქუჩაში დატოვა და მას შეურაცხმყოფელი სიტყვებით მიმართა.
შეგახსენებთ, რომ ჭყონდიდის ეპარქიის მიტროპოლიტმა “ეკლესიაში განხეთქლიების მცდელობისა” და “დაუმორჩილებლობის” გამო რამდენიმე სასულიერო პირი დასაჯა და განკვეთა.
49 სულ ნახვები
კომენტარები
0 კომენტარები
