დეკანოზი ილია ჭიღლაძე სოციალურ ქსელში ჭიათურელი მაღაროელების პროტესტს ეხმიანება.
მან აღნიშნული პროტესტისადმი ჭიათურის მიტროპოლიტ დანიელ დათუაშვილის გულგრილობას გაუსვა ხაზი.
„ჭიათურაში ყოველ წელს მუშათა გაფიცვა და ქრისტეს ტირილია, მაგრამ ერთხელ თუ მაინც გინახავთ ჭიათურის მიტროპოლიტ დანიელ დათუაშვილს ხმა ამოეღოს მათ დასაცავად, ან მოშიმშილეებთან მისულიყო?! ან საპატრიარქოს?! არა! პასუხი მარტივია: გაჭირვებული ადამიანი მათ არ აინტერესებთ. მათ მხოლოდ მდიდრები აინტერესებთ“, – წერს ის.
შეგახსენებთ, 2 კვირაა, ჭიათურელი მაღაროელები გაფიცულები არიან.
ისინი კომპანია „ჯორჯიან მარგანეზისგან“ ხელფასების მომატებასა და სამუშაო პირობების გაუმჯობესებას ითხოვენ.
რამდენიმე გაფიცულმა პროტესტის უმწვავეს ფორმას მიმართა. ერთმა მათგანმა პირი, ხოლო მეორემ თვალები ამოიკერა.
გუშინ პროტესტმა პარლამენტის წინ გადმოინაცვლა.