ეკვადორში ქალი, რომელმაც საკუთარ გასვენებაში ნათესავებს კუბოზე დაუკაკუნა, ერთ კვირაში საავადმყოფოში გარდაიცვალა.
გასულ კვირას, ქალაქ ბაბაჰოიოში მდებარე საავადმყოფოში, 76 წლის ბელა მონტოია გარდაცვლილად გამოაცხადეს.
ის სახლში გადაასვენეს, სადაც მგლოვიარეებმა კუბოდან კაკუნის ხმა გაიგონეს და ქალი ისევ საავადმყოფოში დააბრუნეს.
7-დღიანი ინტენსიური თერაპიის შემდეგ ეკვადორის ჯანდაცვის სამინისტრომ დაადასტურა, რომ იგი პარასკევს, 16 ივნისს იშემიური ინსულტით გარდაიცვალა.