„ვირუსი სამყაროს დაანგრევს“, – ეს სიტყვები ბრიტანელმა ასტროლოგმა ჯესიკა ადამსმა 2019 წელს თქვა. დაასახელა ქალაქიც, სადაც პირველ მსხვერპლს ელოდებოდა. მისი მსმენელებისთვის უჰანის ხსენება არაფერს ნიშნავდა და ჩათვალეს რომ, ასტროლოგმა იმედი გაუცრუა. ამასობაში ასტროლოგის მოლოდინი გამართლდა.
გამოცემა “დეილი მეილის” მან შემდეგი 6 თვის წინასწარმეტყველება გაუზიარა და ისაუბრა სამეფო ოჯახის მომავალზე, ამერიკის საპრეზიდენტო არჩევნების შედეგებზე და რა თქმა უნდა, ჟურნალისტებს უყურადღებოდ არც კორონავირუსის თემა დაუტოვებიათ, თუმცა ადამსის მოლოდინები ამ მხრივ არც ისე დამაიმედებელია.
ის ირწმუნება, რომ ვირუსის შესუსტების არანაირი ნიშანი არ არსებობს. ვაქცინას არ უნდა დაველოდოთ და უბრალოდ, ვირუსთან ცხოვრება უნდა ვისწავლოთ.