ქუთაისთან ახლოს, წყალტუბოს მუნიციპალიტეტის სოფელ ბანოჯაში ქმრის მიერ დაჭრილი ქალის ჯანმრთელობის მდგომარეობა კრიტიკულად მძიმეა. ის რეანიმაციულ განყოფილებაში მართვით სუნთქვაზე რჩება.
შემთხვევა სოფელ ბანოჯაში გუშინ, 2 აპრილს მოხდა. კაცმა 37 წლის ქალს 17 ჭრილობა მიაყენა, შემდეგ კი თავი მოიკლა. უგონო მდგომარეობაში მყოფი დაჭრილი ქალი მეზობლებმა იპოვეს და სასწრაფო სამედიცინო დახმარება გამოიძახეს. გავრცელებული ინფორმაციით, შემთხვევას წინ უძღოდა სიტყვიერი შელაპარაკება.
გამოძიება 109-ე მუხლით დაიწყო, რაც ოჯახის წევრის მიმართ, დამამძიმებელ გარემოებებში განზრახ მკვლელობას გულისხმობს.