მწერალი, ალეკო შუღლაძე სოციალურ ქსელში ისტორიას აზიარებს, რაც რუსეთის მოქალაქე ქალთან არის დაკავშირებული.
“ბითლზის აშრამისკენ ” მიმავალ გზაზე ვიღაც ქალი აგვედევნა. მისი მოძრაობით და ალმაცერი გამოხედვით, მივხვდით რუსი იყო. მართლაც, პუტინის ჯაშუში აღმოჩნდა. ალმა-ატელი რუსი ვარ, იქ ისე კარგია, არ ნანობთ, საქართველო რუსეთს რომ გამოეყოო?
ლატიკა ცოლად როცა მომყავდა, მაშინ ვკითხე, ჯიუჯიცუ ხომ არ იცი-მეთქი? არც ძიუდო და არც კარატეო, ასე მიპასუხა და როგორც ჩანს მომატყუა.
ჯაშუშს რაღაც შარფი ეკეთა და იმაზე ისეთი მოქაჩა, რომ ქალი დაბზრიალდა, ნაჭერი ყელზე შემოეხვია და მომაკვდინებელი ილეთის ქვეშ აღმოჩნდა, სულ სხვა მხარეს იყურებოდა წამებში ძალაგამოცლილი და დამარცხებული.
ლატიკამ შესძახა: გრცხვენოდეს მტარვალო, აქ ჰიმალაის მთებში, ხერსონის გათავისუფლების დღეს, ალმაატელი რუსი ამდენს რომ მიბედავ, შე მატლოო!
მე დავიყვირე, გაეცალეთ, გაეცალეთ! აშრამებიდან იოგები გამოვარდნენ და გადარჩა კაგებეშნიკი ბეწვზე.
წარმოგიდგენიათ, აქაც არ გვეშვებიან”, – წერს შუღლაძე.