ბათუმსი ტრაგედია დატრიალდა – გარდაიცვალა ახალგაზრდა მამაკაცი ზურიკო ზოსიძე.
გარდაცვალების მიზეზი ონკოლოგიური დაავადება გახდა.
სოციალურ ქსელში ინფორმაცია გარდაცვლილის ახლობელმა აკაკი გვიანიძემ გაავრცელა, რომელმაც “ფეისბუკზე” პოსტი განათავსა:
“ზურიკო გარდაცვლილა…
დიდი გული ჰქონდა, საოცრად კეთილი და ემოციური იყო…
ბავშვური რწმენითა და ენთუზიაზმით აკეთებდა საქმეს.
ჯერ კიდევ 2012 წელს გავიცანი, წინასაარჩევნო კამპანიის დროს. მოვიდა, ასაკით კი ვარ დიდი, მაგრამ ახალგაზრდულში მინდა თქვენთანო. მას შემდეგ აღარ გამოკლებია არცერთ კამპანიას. რამდენიმე წლის წინ, ჩვენს სააგენტოში მიიღეს დაცვის თანამშრომლად. პირველი სერიოზული სამსახური იყო მისთვის და იქაც სამაგალითო პატიოსნებითა და გამრჯეობით გამოირჩეოდა.
ზურა შეყვარებული იყო, ლექსებსა და პოემებს რომ უძღვნიან, აი, ისეთი ძლიერი და წრფელი სიყვარულით. მრავალი საგმირო საქმეც ჩაიდინა რჩეულის გულის მოსანადირებლად. სულ მასზე გვიყვებოდა. გეგმებს ადგენდა…
ვუსამძიმრებ ოჯახს და ყველას, ვინც მას იცნობდა…” – წერს აკაკი გვიანიძე