გუშინ, სასხორის წმინდა გიორგის სახელობის ტაძარში ჩატარებული წირვის შემდეგ, დეკანოზი პეტრე კვარაცხელია ერთაწმინდაში მიდიოდა, რა დროსაც ავტოავარიაში მოჰყვა.
“მადლობა უფალს. დღეს მან სასწაულებრივად გადამარჩინა და თავიდან დავიბადე… სრულიად უვნებელი და საღ-სალამათი… არადა, წამი იყო დარჩენილი…
დააფასეთ სიცოცხლე და ერთმანეთი…” – დაწერა მამა პეტრემ მოგვიანებით
ინციდენტის შემდეგ, მოძღვარმა სახლიდან, მეგობრებთან ერთად გადაღებული ფოტო სოციალურ ქსელში განათავსა.
როგორც ერთ-ერთი თვითმხილველი აცხადებს მამა პეტრე დაღმართზე ჩადიოდა, როცა საპირისპირო მიმართულებით, აღმართზე ამომავალმა კაცმა ავარიული სიტუაცია შეუქმნა. მამა პეტრემ ის გადაარჩინა, თვითონ კი თავი გაწირა და ბოძს შეასკდა.