“იყო თვეები, როცა პურზე შაქარს ვიყრიდით“ – “იკანათია” უმძიმეს წარსულს იხსენებს

ყველასთვის ნაცნობი ბლოგერები “იკანათია” მათ გამოვლილ სირთულეებით სავსე წარსულზე ხმამაღლა საუბრობენ, რაც საზოგადოებაში ნდობას და სიყვარულს იწვევს.

ამჯერად, მათ თურქეთში ყოფნის მძიმე პერიოდი გაიხსენეს:

“ბევრს ჰგონია, რომ ფულიანი დედიკოსა და მამიკოს შვილები ვართ, ჩვენ რა გვიჭირს. ჩვენ გადავწყვიტეთ, ჩვენი შრომით გაგვეკეთებინა ყველაფერი, წავედით, ვიმუშავეთ, ბევრჯერ გამოვიცვალეთ სახლი, სამსახური, ბევრჯერ ყოფილა, რომ ხელფასი არ გვქონდა აღებული და გვიშიმშილია. პურზე შაქარი დაგვიყრია და ისე გადაგვიტანია ერთი, ორი თვე. მაშინ ვიზა არ გვქონდა, სამი თვე რომ გავა, უვიზოდ ხარ და ქუჩაში სიარულიც საშიშია, რადგან პოლიციამ თუ შეგამოწმა, დაგარეპორტებს და უკან დაგაბრუნებს. შესაბამისად, ყველანაირად შეზღუდულები ვიყავით. დილით გავდიოდით, საღამოს ვბრუნდებოდით. ეს იყო ვაკუუმი” ,- ამბობს ნათია “პრაიმტაიმთან”.