ექსპერტი გია ხუხაშვილი სოციალურ ქსელში პოსტს აქვეყნებს, სადაც სპორტსმენი ნიკოლოზ ბასილაშვილისა და ნეკა დოროყაშვილის ირგვლივ არსებულ მადგომარეობაზე საუბრობს. პოსტს უცვლელად გთავაზობთ:
“ამ რთულ პერიოდში, ძალიან “ტეხავს” ბასილაშვილ vs დოროყაშვილზე მსჯელობა, მაგრამ ერთ რამეს მაინც ვიტყვი.
ალბათ, ყველა ცოლ-ქმრულ ურთიერთობაში არის პრობლემები, მითუმეტეს თუ სიყვარული ან თავიდანვე არ იყო, ან მერე გაქრა. მთავარია, ამ პრობლემებმა არ მიიღოს კრიმინალური ხასიათი, თორემ ჩხუბი, ურთიერთ ბრალდებები, მოჭარბებული ემოციები, ჭურჭლის მტვრევა, არასასიამოვნო ლაიტმოტივად გასდევს ბევრის თანაცხოვრებას.
ჰქონდა თუ არა ასეთ სცენებს ადგილი ბასილაშვილის მხრიდან?
ალბათ ჰქონდა და ამისთვის ბოდიში აქვს მოსახდელი.
ამასთანავე ეჭვი მაქვს, რომ მეორე მხარეც არ აკლებდა.
მიუხედავად ამ ყველაფრისა, არის თუ არა ბასილაშვილი მოძალადე კრიმინალური გაგებით?
ვფიქრობ,არა და ამის მთავარ “არგუმენტად” მივიჩნევ მის გერმანელ გოგონას. არც ერთი გერმანელი ქალი არ მოითმენს თუნდაც მცირე შევიწროებას გენდერული ნიშნით.
მოძალადე კი შეუძლებელია ამას ერთთან ავლენდეს და მეორესთან არა,” – წერს გია ხუხაშვილი