დედაქალაქში საზოგადოებრივი ტრანსპორტი სავარაუდოდ ივნისის დასაწყისში აღდგება – ამის შესახებ განცხადება თბილისის მერმა კახა კალაძემ გააკეთა.
მერის თქმითვე, ტრანსპორტის ამუშავებისთვის მერიაში სრული მზადყოფნაა, თუმცა ეპიდემიოლოგებისა და საკოორდინაციო საბჭოს რეკომენდაციებს ელოდებიან.
მეტი დეტალი ან თარიღი კახა კალაძემ ამ ეტაპზე არ დააზუსტა, თუმცა მუნიციპალური ტრანსპორტის მოძრაობის აღდგენასთან დაკავშირებით სავარაუდო დროდ მაისის ბოლო ან ივნისის დასაწყისი დღეს უკვე რამდენჯერმე დასახელდა.