კომპოზიტორი, ნიკოლოზ რაჭველი სოციალურ ქსელში პოსტს აქვეყნებს და სამწუხარო ინფორმაციას ავრცელებს:
“ვინ მოთვლის რამდენჯერ ვმდგარვართ სცენაზე ერთად ამ თუ იმ ქალაქში, ჩვენში თუ საზღვრებს მიღმა…
ახლაც თვალწინ მიდგას და მუდამ მემახსოვრება ყველასაგან, მართლა სულ ყველასგან გამორჩეული მისი ღიმილი და სიკეთით სავსე, სიყვარულით გაბრწყინებული თვალები…
ნათელში იყო ჩვენი თაობის კიდევ ერთი გულისტკივილი ლაშა გოგიაშვილი”, – წერს რაჭველი.
როგორც ცნობილია ავტოსაგზაო შემთხვევის შედეგად, თერჯოლის მერი, ლაშა გოგიაშვილი დაიღუპა. მოტოციკლის და ტრაილერის შეჯახების შედეგად, გოგიაშვილმა მძიმე დაზიანებები მიიღო და საავადმყოფოში მიყვანისთანავე გარდაიცვალა. შემთხვევა თერჯოლის სოფელ სეფარეთის ტერიტორიაზე მოხდა.
