ჰარი და მეგანი სასახლეში დაგეგმილ მიღებას ვერ დაესწრებიან – მათი მიწვევა გაუქმდა

მეგან მარკლი და პრინცი ჰარი ბუკინგემის სასახლეში  სამეფო ოჯახის წევრებთან დაგეგმილ მიღებას ვერ დაესწრებიან, – აღნიშნულის შესახებ ინფორმაციას გამოცემა People-ი ავრცელებს.

როგორც ცნობილია, დღეისთვის დაგეგმილ მიღებაზე, დედოფლის დაკრძალვისთვის ჩასულ მსოფლიო ლიდერებს უმასპინძლებენ.

გამოცემის ინფორმაციით, ჰარი და მეგანი, თავდაპირველად, ღონისძიებაზე მიიწვიეს, თუმცა შემდეგ, იმ მიზეზით, რომ ისინი აღარ მსახურობენ როგორც სამეფო ოჯახის წევრები, მიწვევა გაუქმდა. 

ცნობისთვის, იმის მიუხედავად, რომ ჰარი აღარ ასრულებს სამეფო ოჯახის წევრებისთვის დაკისრებულ ვალდებულებებს, უილიამის მსგავსად, მასაც სამხედრო უნიფორმა ეცვა.

ასევე აღსანიშნავია, რომ ჰარი, 10-წლიანი სამხედრო კარიერის განმავლობაში, 2-ჯერ იმყოფებოდა ავღანეთში.