ქვემო ფონიჭალაში მომხდარ აფეთქებაზე გამოძიება 240-ე პრიმა მუხლის პირველი ნაწილით დაიწყო, რაც უსაფრთხოების ნორმების დარღვევას გულისხმობს – ამის შესახებ “ტვ პირველს” პროკურორი ლევან ვეფხვაძე ეუბნება, რომელიც შემთხვევის ადგილზე იმყოფება.
პროკურატურის წარმომადგენელის თქმით, ადგილზე სამაშველო ოპერაციის გარდა, მიმდინარეობს საგამოძიებო მოქმედებებიც – მუშაობენ ექსპერტ-კრიმინალისტები, რომელიც პერიმეტრს ასურათებენ.
“რა მოცემულობაცაა, გამოძიება დაწყებულია 240-ე პრიმა მუხლის პირველი ნაწილით, რაც გულისხმობს უსაფრთხოების ნორმების დარღვევას. კონკრეტული დეტალები, რამდენი ადამიანია ნანგრევების ქვეშ და რამდენია მძიმე მდგომარეობაში, ამ ეტაპზე ვერ მოგახსენებთ. აქტიურად მიმდინარეობს სამაშველო სამსახურის მიერ მუშაობა და პარალელურად, საგამოძიებო მოქმედებებიც ტარდება. საგამოძიებო მოქმედებები დაწყებულია, შემთვევსი ადგილის დათვალიერება. ვიყენებთ ყველა ტექნიკურ საშუალებას, რომ ზოგადი სურათიც და თუ რაიმე კონკრეტული მტკიცებულებაა, ისიც მოპოვებულ იქნებს, თუმცაღა ძალიან ჭირს, იქიდან გამომდინარე, რომ ძალიან მძიმე ვითარებაა ნანგრევებში. სადაც საჭიროა იმუშავებს მძიმე ტექნიკა, სადა საჭიროა იმუშავებს ცოცხალი ძალა. ამავე დროს საგამოძიებო მოქმედებები აქტიურად მიმდინარეობს. დიახ ექსპერტ-კრიმინალისტები მუშაობენ”, – ამბობს ლევან ვეფხვაძე.
