ბოლო დროის ერთ-ერთი ყველაზე გახმაურებული მკვლელობის საქმეში გამოძიებას ორი ოქროს მოწმე ჰყავს – იუბილარის დედა და და. სწორედ მათი ჩვენებების საფუძველზე დადგინდა ბევრი რამ ამ გახმაურებულ საქმეზე.
,,ტვ პირველმა” საბედისწერო დაბადების დღის მასპინძელთან ექსკლუზიური ინტერვიუ ჩაწერა.
,,პირველებთან” ინტერვიუში სოფო ჩოხელი დეტალურად იხსენებს ტრაგიკული ღამის დეტალებს. სად და როგორ დაიწყო დაპირისპირება ახალგაზრდებს შორის და როდის გამოიძახა მან პოლიცია დასახმარებლად.
“ეს ბავშვი იყო ჩემთვის განსაკუთრებული ბავშვი. მირიანი იყო იშვიათი ბავშვი და არ ვიცი, საერთოდ სახელსაც რომ ვიხსენებ, ცუდად ვარ.
აივნიდან გადავიხედე და ბავშვები ხმამაღლა საუბრობდნენ. კამათი და ხმამაღალი საუბარი როცა იყო, პირველად მაშინ განვახორციელე ზარი 112-ში. სანამ ბავშვები ხელის გარტყმაზე გავიდოდნენ და ჩხუბი ატყდებოდა ეზოში.
მე ამ დროს მეგონა, რომ დაბადების დღის ყველა მონაწილე სტუმარი იმყოფებოდა სახლის ეზოში, მაგრამ მალევე მომესმა განწირული ხმა ეზოს გარედან – სოფო, გვიშველე. მე ამ დროს გავიქეცი ეზოს კარისკენ, რადგან ხმა კარების გარედან ისმოდა.- აღნიშნულია საქმეში ჩოხელის ჩვენება.