ბევრი რამ არის დამოკიდებული იმაზე, მოახერხებს თუ არა ამერიკული მხარე, დღეს რუსეთისგან რაიმე ახალი მოისმინოს მშვიდობის შესახებ და არა ომის გაგრძელებაზე, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
მისი ინფორმაციით, ნორვეგიის პრემიერ-მინისტრთან, იონას გარ სტორესთან ოსლოში დღეს კიდევ ერთი შეხვედრა გამართეს.
“ვაგრძელებთ კოორდინაციას ნორვეგიის პრემიერ-მინისტრთან, იონას გარ სტორესთან სამართლიანი მშვიდობისკენ გადასადგმელ შემდგომ ნაბიჯებზე. დღეს დილით ოსლოში კიდევ ერთი შეხვედრა გავმართეთ. ბევრი რამ არის დამოკიდებული იმაზე, მოახერხებს თუ არა ამერიკული მხარე, დღეს რუსეთისგან რაიმე ახალი მოისმინოს მშვიდობის შესახებ და არა ომის გაგრძელებაზე”, – აცხადებს ზელენსკი.
შეგახსენებთ, სანქტ-პეტერბურგში რუსეთის პრეზიდენტ ვლადიმერ პუტინსა და აშშ-ის პრეზიდენტის სპეციალურ წარმომადგენელ სტივ უიტკოფს შორის შეხვედრა მიმდინარეობს. შეხვედრის მთავარი თემა რუსეთ-უკრაინის ომია.