სხდომიდან გაძევებამდე, ხატია დეკანოიძემ ბიძინა ივანიშვილის დაკითხვის შუამდგომლობა დააყენა

ენმ-ს ლიდერმა, ხატია დეკანოიძემ საკონსტიტუციო სასამართლოში მიმდინარე სხდომაზე ბიძინა ივანიშვილის დაკითხვის შუამდგომლობა დააყენა.

საკონსტიტუციო სასამართლოს თავმჯდომარემ ხატია დეკანოიძე დარბაზიდან გააძევა
მე შუამდგომლობას ვაყენებ, ვინაიდან ამ ქვეყანაში ერთპიროვნული გადაწყვეტილების მიმღები არის ერთი ადამიანი და იმ ადამიანს წარმოადგენენ ისინი, ვინც აქ სხედან, ვინაიდან ამ ადამიანის გამო ხდება რუსეთთან უმძიმესი პოლიტიკური ვითარების ფონზე ხდება საქართველოს დაახლოები ჩვენი მეგობრების ჩამოცილება, ვაყენებ შუამდომლობას, რომ დაიკითხოს ბიძინა ივანიშვილი, ვინაიდან ეს არის ადამიანი, რომელიც საქართველოს ერთპიროვნულად მართავს”, – განაცხადა ხატია დეკანოიძე.

სანამ ბიძინაივანიშვილის დაკითხვის შუამდგომლობას დააყენებდა, ხატია დეკანოიძესა და არჩილ გორდულაძეს შორის სხდომაზე მცირე სიტყვიერი დაპირისპირება იყო. დეკანოიძემ “ოცნების” წევრს პარლამენტში აგამრთული მუშტი-კრივი გაახსენა.

მე მესმის, რომ გორდულაძეს მარტო ცემა შეუძლია პარლამენტში, სამართლებრივ ნაწილზე როდესაც მიმითითებს გორდულაძე, გახისენოს როგორ სცემდა კოლეგას პარლამენტის დარბაზში”. – განაცხადა დეკანოიძემ.

საკონსტიტუციო სასამართლოში პოლიტიკური პარტიების აკრძალვაზე სახელისუფლო გუნდის სარჩელის განხილვა მიმდინარეობს. საქმეს საკონსტიტუციო სასამართლოს შვიდი მოსამართლის შემადგენლობით პლენუმი იხილავს.

საკონსტიტუციო სასამართლოში წარდგენილ სარჩელს პარლამენტის 88 წევრი აწერს ხელს. მათი სარჩელის საფუძველზე სასამართლოს დღის წესრიგში შემდეგი პოლიტიკური გაერთიანებების არაკონსტიტუციურად ცნობის საკითხი დგას: – “ერთიანობა − ნაციონალური მოძრაობა“; “კოალიცია ცვლილებისთვის – გვარამია მელია გირჩი დროა“; “ძლიერი საქართველო − ლელო, ხალხისთვის, თავისუფლებისთვის!“, “ფედერალისტური პარტია“ და პარტია “გახარია საქართველოსთვის“.