კახეთში მევენახეები “ქართული ოცნებას” ტყუილში ადანაშაულებენ – სოფელ ველისციხის მოსახლეობა ამბობს, რომ გლეხებს ყურძენი არ ჩაუბარებიათ და ხელისუფლება იტყუება, როცა ამას ამტკიცებს.
ამ წუთებში სოფელ ველისციხის ცენტრში ხმაურია – პროტესტის მონაწილეებმა ცოტა ხნის წინ გზა გადაკეტეს.
ხალხს მისცენ საშუალება, რომ ჩააბარონ ყურძენი. გამოდის ის გაბურძგნული კობახიძე და იძახის ამდენი ჩაბარდა, იმდენი ჩაბარდაო. რა ჩაბარდა? სასაცილო კაცი ეგ, დასაჭერია”, – ამბობს გლეხი.
გლეხები, რომელმაც ერთი ღამე ყურძნით დატვირთულ მანქანებში უკვე გაათენეს, ამბობენ რომ დაშლას არ აპირებენ.
მოთხოვნა ერთადერთია, ღვინის ქარხნებმა ყურძენი ადეკვატურ ფასში ჩაიბარონ. პროტესტის ადგილზე მობილიზებულია რამდენიმე საპატულო ეკიპაჟი.
მევენახეების ნაწილი ამბობს, რომ დაკრეფილი მოსავლის ჩაბარებას ვერ ახერხებს და ყურძნის შესყიდვის პირობებს აპროტესტებს.
პროტესტი თავდაპირველად ყვარლის მუნიციპალიტეტის სოფელ შილდაში დაიწყო და მოგვიანებით ახალსოფელში გაგრძელდა. მევენახეების განცხადებით, მათ მიერ წინასწარ გაზომილი ყურძნის შაქრიანობა ქარხნებში მიღებულ მაჩვენებელს არ ემთხვევა, რის გამოც მოსავლის დაბალ ფასად ჩაბარებას სთავაზობენ. მოქმედი სახელმწიფო სქემით, 17%-მდე შაქრიანობის ყურძნის შესასყიდი ფასი კილოგრამზე 30 თეთრია. მევენახეების ნაწილი აცხადებს, რომ ეს თანხა მოსავლის მოყვანისა და აღების ხარჯებსაც ვერ ფარავს და რეგულაციის შეცვლას ითხოვს.