2026 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 4.670 მლრდ აშშ დოლარი შეადგინა, რაც 21.6%-ით მეტია გასული წლის შესაბამისი პერიოდის მაჩვენებელზე, – ამის შესახებ სტატისტიკის ეროვნული სამსახურის მონაცემებშია აღნიშნული.
მათივე ცნობით, ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 61.1%-ს შეადგენს. აღნიშნული მაჩვენებელი წინა წლის შესაბამის პერიოდთან შედარებით 64.1%-ით გაიზარდა და 2.854 მლრდ აშშ დოლარს გაუტოლდა.
მიმდინარე წლის 7 თვეში ადგილობრივ ექსპორტში უმსხვილეს საექსპორტო პროდუქტებს შორის იყო სპილენძის მადნები და კონცენტრატები და ძვირფასი ლითონების მადნები და კონცენტრატები.