“ჩემს ძმაკაცს ქართული მიწა გულში იხუტებდა” – ლაშა ზაალიშვილი ლევან კბილაშვილზე

“საშინელმა წუთებმა, როცა გალობის დასრულების შემდეგ ეს მუსიკა წვიმის ხმასთან და შემზარავ ბრაგუნთან ერთად ისმოდა, ირგვლივ ყველა და ყველაფერი ღირსეულ ქართველს, ღირსეულ ქართველთა საუფლოში, ზეციურ საქართველოში აცილებდა, ჩემს ძმაკაცს და ერთგულ მეგობარს და ჩვენი ეკლესიის ჩვენი ერის და ჩვენი პატრიარქის ერთგულ შვილს ლევან კბილაშვილს ქართული მიწა გულში იხუტებდა, იმ საშინელმა წუთებმა ძალიან ბევრ რამეზე კიდევ უფრო მეტად და კიდევ უფრო სხვაგვარად, უფრო სიღრმისეულად დამაფიქრა.

კიდევ ერთხელ და უფრო ძლიერად შემოვიდა ჩემში განცდა იმისა რომ ჩვენი ცხოვრება მხოლოდ და მხოლოდ იმქვეყნიური, მარადიული ცხოვრებისთვის მზადებაა და სხვა არაფერი.

ღმერთმა მომცეს ძალა რათა როცა მეც მომაყრიან მიწას, მარტო ამქვეყნიური კეთილდღეობისთვის ზრუნვაში არ მქონდეს გატარებული ეს წუთისოფელი არამედ მარადიული დაუსრულებელი ცხოვრებისთვის უფრო მეტი გამეკეთებინოს…“ – წერს ლაშა ზაალიშვილი