“ივანიშვილის რეჟიმი ქვეყნის მომავალს პოსტსაბჭოთა სივრცეში ეძებს, რა შეუძლია რუსეთს შესთავაზოს ქართველებს? ჩვენ ვხედავთ რასაც ის მეზობლებს სთავაზობს”, – ამის შესახებ ევროპარლამენტარმა მაიკლ გალერიმ “ევროკსოპთან” განაცხადა.
კანონმდებელმა კომენტარი გააკეთა შალვა პაპუაშვილის განცხადებაზე და პარლამენტის თავმდჯომარე სიცრუეში დაადანაშაულა.
პაპუაშვილი EU-ს წინააღმდეგ – “ამგვარი კავშირის წევრობისკენ სწრაფვა არ არის ის, რაც საქართველოს კონსტიტუციის 78-ე მუხლში წერია.
ჩვენ არ დავაკისრებთ ზედმეტ ტვირთს კანდიდატებს და ასევე არ დავაკისრებთ ზედმეტ ტვირთს ჩვენს არსებულ წევრებს – განაცხადა გალერიმ.
“ეს უბრალოდ მცდარია, ეს სიცრუეა. ვგულისხმობ, წესები ვრცელდება ყველაზე მათზეც, ვინც შიგნითაა და მათზეც, ვინც ამ გზაზე დგას. ჩვენ ვითვალისწინებთ კანდიდატების საჭიროებებს… ჩვენ არ დავაკისრებთ ზედმეტ ტვირთს კანდიდატებს და ასევე არ დავაკისრებთ ზედმეტ ტვირთს ჩვენს არსებულ წევრებს. ჩვენ ადეკვატურად მოვარგებთ საჭიროებებს კავშირისკენ მიმავალ გზაზე თითოეულ კანდიდატს. ასე რომ, საბოლოო ჯამში, მათ მოუწევთ წესების დაცვა, მაგრამ ამ გზაზე არსებობს გარდამავალი პერიოდები და წევრობის შემდეგაც კი ხელმისაწვდომია გარდამავალი პერიოდები ნებისმიერი კანდიდატის სპეციფიკური გამოწვევების გადასაჭრელად.
შეხედეთ მათ, ვინც ახლა შიგნითაა. ბრიტანეთის გარდა, რომელმაც ყალბი საბაბით სამწუხაროდ დატოვა ევროკავშირი, არავის სურს გასვლა ევროკავშირის კრიტიკოსებსაც კი არ სურთ გასვლა. აქედან გამომდინარე, ვფიქრობ, როგორც კი საქართველოში ხალხის ნება უფრო მეტად იქნება პატივცემული იმათ მიერ, ვინც მართავს. ვფიქრობ, ისინიც დაინახავენ, რომ საქართველო ევროკავშირისკენ მიმავალ გზაზე უკეთესი საქართველო იქნებოდა…
ამჟამად ქვეყანა და რეჟიმი ბატონი ივანიშვილი, თავის მომავალს პოსტსაბჭოთა ეპოქასა და სივრცეში ეძებს. ვფიქრობ, ეს არ არის ის, რაც, რა შეუძლია რუსეთს შესთავაზოს ქართველებს? ჩვენ ვხედავთ, რას სთავაზობს რუსეთი თავის მეზობლებს. ისინი ან უნდა დაემორჩილონ წესებს, ან მათ თავს დაესხმებიან. ეს არ არის ის პერსპექტივა, რომელიც ქართველებს სურთ და რასაც ქართველები იმსახურებენ. თქვენ იმსახურებთ იყოთ თანასწორი ერი, თავისუფალი ერი ჩვენს ევროპულ ოჯახში”, – განაცხადა გალერიმ.