მელია-სააკაშვილის განცხადებები აჩვენებს იმას, რომ რასაც ჩვენ ვამბობდით, მართალი ვიყავით – ისინი არიან ერთმანეთის მოღალატეები, ერთმანეთს პიროვნულად ვერ იტანენ და არც ერთმანეთის პატივისცემა არ აქვთ, – ამის შესახებ ნიკოლოზ სამხარაძემ განაცხადა.
სამხარაძის თქმით, ეს კიდევ ერთი დასტურია საზოგადოებისთვის, რომ ხელისუფლებაში ასეთი ადამიანები არ უნდა იყვნენ.
„არათუ ხელისუფლებაში არ უნდა იყვნენ, არამედ ამ ადამიანების ოპოზიციაში ყოფნაც ქართული პოლიტიკისთვის და ქართული სახელმწიფოსთვის არ არის კარგი, რადგან ვხედავთ, რამდენად დიდია ის მორალური უფსკრული, რაც ამ ადამიანებს აქვთ. როცა გავლენებისთვის იბრძვი, არანაირ მორალურ ფასეულობებს არ იღებ მხედველობაში და ყველაფერზე წამსვლელი ხარ, რომ მორალური დივიდენდი მოიპოვო, ეს მიუღებელია“, – განაცხადა სამხარაძემ.