სუს-ის მიერ ჯაშუშობის ბრალდებით დაკავებული პირი ქართუ ჯგუფის პრესსამსახურის ყოფილი უფროსი გიორგი უძილაურია. ცნობილია, რომ ის ახლა ფინანსთა სამინისტროს საგამოძიებო სამსახურის ერთ-ერთი სამმართველოს უფროსი იყო – მისი ვინაობის შესახებ ინფორმაციას რუსთავი ორო ავრცელებს.
სუს-ში ცოტა ხნის წინ განაცხადეს, რომ ჯაშუშობის ბრალდებით ერთ-ერთი სახელმწიფო უწყების მაღალი თანამდებობის პირი დააკავეს: “ერთ-ერთ სახელმწიფო უწყებაში მაღალ თანამდებობაზე დასაქმებული საჯარო მოხელე ქვეყნის ინტერესების საწინააღმდეგოდ თავისი ამჟამინდელი სამსახურებრივი მდგომარეობის, წარსულში დაკავებული თანამდებობისა და სხვადასხვა უწყებაში არსებული პირადი კავშირების მეშვეობით უცხო ქვეყნის სპეცსამსახურების ინტერესების სასარგებლოდ სისტემურად ახორციელებდა ინფორმაციის მოპოვებას და მათთვის გადაცემას”