საქართველოს ეროვნული ბანკის ანგარიშის მიხედვით, საბანკო სექტორში განთავსებული დეპოზიტების მოცულობამ (ბანკთაშორისი დეპოზიტების გარდა) 2026 წლის მარტის ბოლოსთვის 69.47 მილიარდი ლარი შეადგინა, რაც 1.61 მილიარდი ლარით, 2.37%-ით მეტია წინა თვის ბოლოს არსებულ მაჩვენებელზე.
ცენტრალური ბანკის ცნობით, დეპოზიტების წლიურმა ზრდამ გაცვლითი კურსის ეფექტის გარეშე 19.44% შეადგინა. მარტში,წინა თვესთან შედარებით, ვადიანი დეპოზიტები გაიზარდა 689.69 მილიონი ლარით, ანუ 2.09%-ით, ხოლო მოთხოვნამდე დეპოზიტები 916.49 მილიონი ლარით, ანუ 2.63%-ით გაიზარდა.
საქართველოს ეროვნული ბანკის ინფორმაციით, დეპოზიტების ლარიზაციის კოეფიციენტმა 2026 წლის მარტის ბოლოსათვის 53.40 პროცენტი
შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია შემცირდა 0.63 პროცენტული პუნქტით.
ამასთან, ეროვნული ბანკის მონაცემებით, მარტში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 6.64% შეადგინა. მათ შორის ეროვნული ვალუტით განთავსებულ დეპოზიტებზე 9.01%, ხოლო უცხოური ვალუტით განთავსებულ დეპოზიტებზე 2.33%.
უცხოური ვალუტით განთავსებულ დეპოზიტებში აშშ დოლარის წილმა 77.97%, ხოლო ევროს წილმა 20.19% შეადგინა.