საქართველოს სახალხო დამცველის აპარატის ანგარიშის მიხედვით, ქვეყნის ფსიქიატრიულ დაწესებულებებში მძიმე ვითარებაა. დოკუმენტში საუბარია გადატვირთულობაზე, ძალადობის შემთხვევებზე და პაციენტების ღირსების შელახვაზე.
ანგარიშის თანახმად, პაციენტებს ხშირად ამორტიზებულ შენობებში მკურნალობენ. ასევე დაფიქსირებულია ფაქტები, როცა მძიმე დაავადებების მქონე პირებს უხეშად მიმართავენ და მათ მიმართ არასათანადო მოპყრობა ფიქსირდება.
დოკუმენტში აღნიშნულია, რომ რიგ შემთხვევებში გამოვლინდა სხეულის დაზიანების ფაქტებიც, რაც დამატებით კითხვებს აჩენს პაციენტების უსაფრთხოებასთან დაკავშირებით.
ომბუდსმენი ჯანდაცვის სამინისტროსთვის გასცემს რეკომენდაციას, შეზღუდვის მაგალიტები მკაცრად გააკონტროლოს.
უფლებამდაცველები კი ამბობენ, რომ ფსიქიატრიული მიმართულებით საქართველო კვლავ ძალიან ჩამორჩება და ის ადამიანები, როლებიც მკურნალობას ფსიქიატრიულ დაწესებულებაში გადიან, ხშირ შემთხვევაში, არასათანადო მოპყრობის მსხვერპლები არიან.
“ფსიქიატრულ დაწესებულებაში მყოფი პირების მიმართ, სამწუხაროდ, თითქმის არაფერი იცვლება. საქართველოში შეიძლება რარაც პროგრესს რაღაც კუთხით ვაღწევდეთ, მაგრამ ფსიქიატირული მიმართულებით კვლავ ძალიან უკან არის საქართველო, ადამიანის უფლებები მასობრივად ირღვევა და ის ხალხი, ვინც ფქისიატრიულ დაწესებულებაშია მოთავსებული, არიან მასობრივი უფლებადარღვევის მსხვერპლები. უბრალო ინფრასტრუქტურით დაწყებული, საკმარისი ექიმების რაოდენობით გაგრძელებული, სანიტარიით და ადგილზე არსებული პირობებით, გაგრძელებული იმ გარემოთი, რომელიც მათთვის შექმნილია, ეს ყველაფერი მკაფიოდ ადასტურებს იმას, რომ სამწუხაროდ, ეს ჯგუფები არიან ძალიან ხშირად არასათანადო მოპყრობის მსხვერპლები”, – ამბობს გიორგი ბურჯანაძე.