მეტეოროლოგი კობა ფარტენაძე სოციალურ ქსელში მაისის დასაწყისის ამინდის პროგნოზს გვიზიარებს.
„მაისის დასაწყისი საქართველოში – არასტაბილური და ნალექიანი…
მაისის პირველ დეკადაში საქართველოში კვლავ ცვალებადი და უმეტესად ღრუბლიანი ამინდი იქნება.
დასავლეთ საქართველო: 2 მაისიდან მოსალოდნელია ხანმოკლე, პერიოდული წვიმა, ელჭექით.
აღმოსავლეთ საქართველო: 3 მაისიდან მსგავსი პირობები გავრცელდება – ღრუბლიანი დღეები და ხანმოკლე ნალექი. ტემპერატურა ჯერჯერობით ვერ აღწევს იმ ნიშნულს, რაც გაზაფხულს შეეფერება. იგი დარჩება სტატისტიკურ საშუალო მაჩვენებლებთან ახლოს, რაც სეზონისთვის დამახასიათებელ სითბოს ვერ უზრუნველყოფს.
მაისის პირველი ათდღეული არასტაბილური იქნება, თუმცა ვარდობისთვე მაინც გვპირდება, რომ მეორე და მესამე დეკადაში მისი სურნელი და მზის სხივები უფრო მეტად დაგვატკბობს“, – წერს კობა ფარტენაძე.