გარდაბნის მუნიციპალიტეტის სოფელ ახალ კუმისში მოსახლეობა ადგილობრივი ხელისუფლებისგან დახმარებას ითხოვს. მათი თქმით, პრობლემებია საკომუნიკაციო სისტემების, გაზის, წყლისა და საგზაო ინფრასტრუქტურის მიმართულებით. ინფორმაციას “ტვ პირველი” ავრცელებს.
ადგილობრივები აცხადებენ, რომ სოფელში გადაადგილება რთულია, რადგან ბეტონის გზის ნაცვლად მიწის საფარია, რაც განსაკუთრებით პრობლემური ხდება წვიმიან ამინდში. მათი თქმით, უხვი ნალექის დროს წყალი ხშირად საცხოვრებელ სახლებშიც აღწევს.
მოსახლეობის ინფორმაციით, შექმნილი მდგომარეობა სასწრაფო დახმარების ეკიპაჟების გადაადგილებასაც ართულებს.
“გზა, წყალი, გაზი, ტრანსპორტი – ყველაფრის პრობლემა გვაქვს. ჩვენი კუმისი მიტოვებულია, მატრო ღმერთის ანაბარა ვართ. ეს მიწა რომ დასკდება, ფეხი ჩაგივარდება შიგ”, – ამბობს ადგილობრივი.
“ცაში ვიყურებით, რომ არ გაწვიმდეს და არ გატლაპოვდეს… შეიძლება კვირიდან კვიამდე იწვიმოს და პურიც ვერ შემოიტანო სახლში. წყალი და გაზი არ გავქვს, ძალიან ვწვალობთ, ასეთი საშინელი მდგომარეობა არსად მინახავს”, – ამბობს კიდებ ერთი ადგილობრივი.