გაფიცული ტაქსის მძღოლები სახელმწიფოსგან ღირსეულ სამუშაო პირობებს ითხოვენ – დღეს ქუჩაში გამოსული მძღოლები ამბობენ, რომ არაჯანსაღ სამუშაო პირობებს, ემატება უამრავი ადმინისტრაციული ჯარიმა, რომელიც შეუძლებელს ხდის გზაზე მოძრაობას.
მძღოლები ასევე საუბრობენ დედაქალაქში მოუწესრიგებელ პარკინგზე და ამბობენ, რომ ჯარიმებსი ერთ-ერთი მიზეზი სწორედ მერიის მიერ ამ დრომდე გაუმართავი საპარკინგე სისტემაა.
“ჩვენი შეკრების მიზანი და მიზეზი არის პროტესტი, სამუშაო გარემო, გაუსაძლისი მდგომარეობა, ძალიან დაბალი ტარიფები, მაღალი ტარიფები და საკომისიოები და გაძირებული ავტოსერვისი მოგეხსენებათ. ამას ემატება ჯარიმები, რაც იწვევს, თითქმის შეუძლებელ სამუშაო გარემოებას. ჯარიმები როგორც მოგეხსენებათ არის ადმინისტრაციულ სამართალდარღვევათა ჯარიმები, რაც ჩვენთვის შეუძლებელს ხდის გზაზე მოძრაობას. ეს გამოიხატება მაშინ, როცა მგზავრს ელოდები, არასწორი პარკირების დროს არ ითვალისწინებენ, რომ პარკირება ფაქტობრივად შეუძლებელია, რადგან ქალაქში არ არსებობს ნორმალურად მოწესრიგებული პარკირების სისტემა. ჩვენ მოვითხოვთ რომ იყოს გარკვეული შეღავათები იმათთვის, ვინც ძალიან დიდ დროს ატარებს გზაზე. იღლება ადამიანი და ჩენ გვჭირდება, რომ გაგებით მოეკიდოს ყველა და თუ გაგებით მოეკიდება, ვინც უნდა მოეკიდოს ამ საკითხს, დამიჯერეთ, გაგებით მოეკიდებიან სხვა სფეროსაც”, – აცხადებს ტაქსის მძღოლი.