უკრაინა გააგრძელებს რუსეთის ნავთობგადამამუშავებელი ქარხნების დაბომბვას რუსული თავდასხმების ახალ სტრატეგიაზე საპასუხოდ,- ამის შესახებ უკრაინის პრეზიდენტმა, ვოლოდიმირ ზელენსკიმ საინფორმაციო სააგენტო Reuters-თან ინტერვიუში განაცხადა.
“ვნახეთ დოკუმენტები და ვიცით, რომ ისინი საშუალებას აძლევენ დაარტყან ინფრასტრუქტურას, ლოჯისტიკას, გზებს, სკოლებს, საავადმყოფოებს, რათა აიძულონ ხალხი დატოვონ დედაქალაქი, დატოვონ სხვადასხვა ქალაქი. ეს არის ოპერაციის მიზანი,” – განაცხადა ზელენსკიმ.
უკრაინის პრეზიდენტმა აღნიშნა, რომ უკრაინა უპასუხებს მოსკოვის მიერ ტაქტიკის ცვლილებას, მაგრამ სამოქალაქო ინფრასტრუქტურის განურჩევლად დაბომბვებით არა.
„უნდა ვუპასუხოთ ნებისმიერი გზით, რომელიც შეგვიძლია. ჩვენს ენერგეტიკაზე მათი თავდასხმების საპასუხოდ, ჩვენ მათ ენერგეტიკაზე უნდა მივიტანოთ დარტყმები. უპირველეს ყოვლისა, ნავთობგადამამუშავებელ ქარხნებზე: რაც აძლევს მათ ფულს ამ ომისთვის. მაგრამ ჩვენ, რა თქმა უნდა, არ დავარტყამთ სამოქალაქო ობიექტებს, რასაც ისინი შვრებიან” – განაცხადა ზელენსკიმ.