უკრაინული დრონების თავდასხმის შედეგად, რუსეთის ქალაქ ტუაფსეში ძლიერი დაკვამლიანებაა. ნავთობგადამამუშავებელ ქარხანაში გაჩენილი ხანძრის შედეგად, კვამლი ქალაქის დიდ ნაწილს მოედო. ტუაფსეს ენერგეტიკულ ინფრასტრუქტურაზე უკრაინის საჰაერო ძალების მიერ განხორციელებული სისტემური იერიშების მიზანი, რუსეთის სამხედრო მანქანის საწვავით მომარაგების შეფერხებაა.
გასულ ღამეს უკრაინელებმა რუსეთის ქალაქ ტუაფსეს ნავთობგადამამუშავებელი ქარხანა დაბომბეს. უკრაინული მედიის ცნობით, ბოლო 2 კვირის განმავლობაში უკრაინამ ტუაფსეს სამრეწველო ობიექტები მეოთხედ დაბომბა. თავდასხმის შედეგად მიმდებარე ტერიტორიაზე ხანძარი გაჩნდა, ხანძრის სალიკვიდაციო სამუშაოები ახლაც უშედეგოდ მიმდინარეობს, ევაკუირებულია მიმდებარე ტერიტორიაზე მცხოვრები მოსახლეობა