თბილისისა და ბათუმის შემდეგ ტაქსის მძღოლების ნაწილი ქუთაისშიც გაიფიცა -კერძო კომპანიებში დასაქმებული ტაქსის მძღოლები გაძვირებული საწვავის ფონზე ტარიფების გაზრდას, ფასების კორექტირებასა და სამუშაო პირობების გაუმჯობესებას ითხოვენ.
მათივე თქმით, საწვავის ფასის ზრდამ მნიშვნელოვნად შეამცირა მძღოლების შემოსავალი, რის გამოც დღევანდელი ტარიფები და საკომისიოები მათთვის მისაღები აღარ არის. გაფიცული მძღოლები ამბობენ, რომ არსებულ პირობებში მათ მუშაობა აღარ უღირთ.
ფოტო: Info Imereti