“ფორმალური დიპლომის ნაცვლად მეუფე ისაია ორ ომში იყო და სამშობლოსა და ეკლესიას იცავდა, ორ სხვადასხვა ომში იღებდა მონაწილეობას” – ამის შესახებ ახალციხის, კუმურდოსა და კარის მიტროპოლიტმა ნიკოლოზ ფაჩუაშვილმა TV ფორმულასთან სატელეფონო საუბრისას განაცხადა.
“მეუფე ისაიამ ძალიან მკაფიოდ ჩამოაყალიბა თავისი მიმართვა სინოდზე, რომ მას არაფერი უშლიდა ხელს, ეს ფორმალური დიპლომი ჰქონოდა. ფორმალური დიპლომის ნაცვლად იგი ორ ომში იყო და სამშობლოსა და ეკლესიას იცავდა, ორ სხვადასხვა ომში იღებდა მონაწილეობას. მეუფე ისაია არის ჩვენი დროის გმირი და ამ გმირობისთვის პატრიარქმა განსაკუთრებული ჯილდო მიანიჭა – სკუფიაზე ბრილიანტის ჯვრის ტარების უფლება… თვითონ წაიკითხა ეს წერილი, შემდეგ სხვა მღვდელმთავრებმა გამოთქვეს აზრი, ყველამ – ზოგმა ისეთი, ზოგმა ასეთი და ამის შემდეგ შევთანხმდით კენჭისყრაზე, რომ საერთოდ შეჩერებულიყო ეს კამათი, უმრავლესობამ ამას მისცა ხმას. კენჭისყრა იყო – უნდა შეწყდეს თუ არა კამათი… საგანგებოდ მივედი მეუფე ანდრიასთან და ვთხოვე, რომ აუცილებლად დაეფიქსირებინა ის, რომ მე მაქვს განსხვავებული აზრი იმიტომ, რომ მე ვაპირებდი და გავაგზავნე კიდეც სინოდში წერილი, რაზეც მეუფე ისაიამ არაჩვეულებრივად ჩამოაყალიბა აზრი, რომ ჩვენთვის ეს ფორმალობა არასოდეს ყოფილა გადამწყვეტი. მარტო მეუფე ისაია კი არა, ბევრი არის ეგეთი, ვინც ამბობს, რომ ფორმალური დიპლომის ნაცვლად სისხლსა და ოფლს ღვრიდა. მე ვფიქრობ, რომ არ იყო ეს მართებული გადაწყვეტილება, თუმცა კიდევ ერთხელ მინდა გითხრათ, რომ სინოდის გადაწყვეტილებას ვემორჩილები” – განაცხადა ახალციხის, კუმურდოსა და კარის მიტროპოლიტმა ნიკოლოზ ფაჩუაშვილმა