მსახიობი რეზო ჩხიკვიშვილი „ფეისბუკზე“ პოსტს აქვეყნებს და საზოგადოებას უმხელს თუ რა შეთავაზების თქმა ვეღარ მოასწრო მან თემურ ჩხეიძისთვის:
“ვუთანაგრძნობ ბატონი თემურის ოჯახს, მეგობრებს და მთელ თეატრალურ სამყაროს.
ეს დიდი ტკივილი ცხოვრების ბოლომდე გამყვება. ვერ წარმომიდგენია ბატონი თემურის გარეშე არა მარტო თეატრი, არამედ ჩვენი ყოველდღიური ცხოვრებაც. ადამიანი მშვიდობის, გაწონასწორებულობის, სიკეთის სიმბოლო.
როგორ მიხაროდა და თვალს ვადევნებდი ყოველ მის ეკრანზე გამოჩენას, ყველა რეპორტაჟს, რომელიც მას ეხებოდა.
ის იყო იმედი, სხივი, გულისცემა ქართული თეატრალური ხელოვნების, რომელიც სულ ფეთქავდა. მასთან დარეკვას ვაპირებდი, მინდოდა მეთხოვნა, რომ თითქმის 35 წლიანი პაუზის შემდეგ გამოგვენახა რაიმე საშუალება და ისევ შევხვედროდით ქართულ სცენაზე. ვამაყობ და სანამ ცოცხალი ვარ, სულ ვიამაყებ მისით. ყოველთვის ვამბობდი და ვიტყვი, უდიდეს პიროვნებასთან და რეჟისორთან მქონდა შემოქმედებითი ურთიერთობა, რომელსაც როგორც რეჟისორს, მთელ მსოფლიოში ბადალი არ ჰყავს. ჩემთვის ბატონი თემური იყო და იქნება ერთ-ერთი უძლიერესი რეჟისორი მსოფლიოს მასშტაბით.
იძინე მშვიდად ჩემო ძალიან კარგო ბატონო თემურ. მსუბუქი ყოფილიყოს შენთვის ქართული მიწა… ძალიან მიყვარხარ…” – წერს რეზო ჩხიკვიშვილი