სოფელი კურსები მეწყერსაშიშ ზონად გამოცხადდა – ადგილობრივ მოსახლეობას გეოლოგებმა უთხრეს, რომ საკუთარ სახლებში დაბრუნებას ვეღარ შეძლებენ. ინფორმაციას ტვ პირევლი ავრცელებს.
სპეციალისტები ამბობენ, რომ შესაძლოა ადგილზე არსებული ვითარება ნებისმიერ მომენტში შეიცვალოს დრამატულად და ჯერ კიდევ დაუხეთქავ მიწას ახალი, უფრო მასშტაბური ნაპრალები გაუჩნდეს.
სოფელში დაბრუნება ფაქტობრივად შეუძლებელი და გამორიცხულია. რეკომენდაციას ვერავინ ვერ გაწევს, რომ ვინმე დაბრუნდეს და უსაფრთხო იყოს ეს გარემო. ყველაფერი გამოიწვია ძირითადად გრუნტის წყლებმა, უხვმა ნალექმა. ცენტრალურ გზაზე ითქვა, რომ გამორიცხულია აღდგენა, შემდეგ ჩვენ შევთავაზეთ მოსახლეობამ, რომ ბალასტით შევსებულიყო, დახრეშილიყო, თუნდაც მომხდარიყო მსუბუქი ავტომობილებისთვის გზის გახსნა.
58 ოჯახი ახლა დახმარების მოლოდინშია. ხალხს სავარაუდოდ ეკო-მიგრანტის სტატუსს მიანიჭებენ, თუმცა დამეწყრილი სოფლის მოსახლეობა ამბობს რომ თანხას, რომელსაც ახალი სახლების შესაძენად აძლევენ არასაკმარისიაა..
“58 ოჯახი არის ისეთი, რომელიც ვეღარ დაბრუნდება ვერასდროს ამ ადგილას. ის სახლები, რომელიც ჯერ არ დანგრეულა და ბზარიც არ აქვს, იმათი დაშვებაც კი აკრძალა გეოლოგებმა, იმიტომ, რომ წითელ ზონაში შევიდა ის სახლები. ჩვენ ამ გეოლოგიური დასკვნის საფუძელზე, გვითხრეს, რომ განვიხილებით, როგორც ეკო-მიგრანტები, თუმცა გვითრეს, რომ ეს ტანხა, რაც ჩვენთვის უნდა გამოიყოს, შესაძლოა, გაიზარდოს”, – ამბობს კურსების მკვიდრი.
“ეხლა მიწა აღარ გვაქვს და სახელმწიფოს აქვს მიწები, რომელიც თავისი მოქალაქეებისთვის უნდა გაიმეტოს. რაღაც უნდა ვიცოდეთ უკვე”, – თქვა ადგილობრივმა.
კურსების დამეწყრილი ნაწილი ისევ ჩაკეტილია. ხალხი კი, ვინც 12 მარტის მეწყრის გამო ყველაფერი დაკარგა, დროებით ან ისევ ქუთაისის სასტუმროებშია, ან უკვე გადავიდა ქირით. ბინის ქირისთვის სახელმწიფომ მათ ყოველთვიურად 1000 ლარი გამოუყო.