თავდაცვის ყოფილი მინისტრის, ჯუანშერ ბურჭულაძის ადვოკატი, ხათუნა ხურცილავა არ გამორიცხავს, მისი დაცვის ქვეშ მყოფთან საპროცესო შეთანხმება უახლოეს პერიოდში გაფორმდეს.
როგორც ხურცილავა განმარტავს, ეს შესაძლოა, სხვა ბრალდებულებთან შეთანხმებით, მომდევნო სხდომაზე მოხდეს, რომელიც 16 აპრილსაა დანიშნული.
„ახლა გახდა ჩვენთვის ცნობილი, რომ ბრალდების მხარემ სასამართლოს საპროცესო შეთანხმებაზე ვლადიმერ ღუდუშაურთან დაკავშირებით მიმართა. ჩვენს საკითხზე მოლაპარაკება მიმდინარეობს, ვფიქრობთ, 16 აპრილამდე – მომდევნო სხდომაზე ბრალდების მხარისგან პასუხს მივიღებთ. კატეგორიული უარი, რომ საპროცესო შეთანხმება არ ფორმდება, არ ყოფილა. ბრალდების მხარე გამამტყუნებელი განაჩენის გამოტანას ითხოვს, მაგრამ ეს იმას არ ნიშნავს, რომ 16 აპრილამდე საპროცესო შეთანხმება არ გაფორმდეს.
თუ ასეთის აუცილებლობა იქნება, მზად ვართ ზიანის ანაზღაურებაზე. საპროცესო შეთანხმება აღიარებას მოიცავს. დეტალებზე არ ვსაუბრობ, ვიდრე თავად ჯუანშერი თავის პოზიციას არ დააფიქსირებს”,- განაცხადა ხურცილავამ.