ბატონმა რუბიომ აღიარა ის, რაც ყველამ ვიცოდით: აშშ არჩევანის ომში ისრაელის ინტერესებისთვის ჩაერთო და ე.წ. ირანული „საფრთხე“ არასოდეს არსებულა – აღნიშნულის შესახებ ირანის საგარეო საქმეთა მინისტრმა აბას არაღჩიმ განაცხადა.
„ამრიგად, როგორც ამერიკული, ასევე ირანული სისხლის დაღვრა „ისრაელი უპირველეს ყოვლისა“ მომხრეების კისერზეა. ამერიკელი ხალხი უკეთესს იმსახურებს და უნდა დაიბრუნოს თავისი ქვეყანა“, – აღნიშნა ირანის საგარეო საქმეთა მინისტრმა.
ცნობისთვის, აშშ-ის სახელმწიფო მდივანმა მარკო რუბიომ განაცხადა, რომ ისრაელის მტკიცე გადაწყვეტილებამ, დაერტყა ირანისთვის და ირანის მხრიდან აშშ-ის ჯარებზე მოსალოდნელმა საპასუხო რეაგირებამ დონალდ ტრამპის ადმინისტრაცია აიძულა, პრევენციული დარტყმები განეხორციელებინა.
“ვიცოდით, რომ ისრაელის მხრიდან მოქმედება იქნებოდა. ვიცოდით, რომ ეს ამერიკულ ძალებზე თავდასხმას გამოიწვევდა და ვიცოდით, რომ თუ დარტყმების დაწყებამდე წინასწარ არ ვიმოქმედებდით, უფრო მეტ დანაკარგს მივიღებდით“, – აღნიშნა რუბიომ.