“მართლმსაჯულების სახლის“ დამფუძნებელი, ეკა ბესელია ამბობს, რომ წყნეთის პოლიციის ყოფილი უფროსი, დიმიტრი ქვაჭრელიშვილი, რომელიც ნიკო კვარაცხელიას საქმეზე გამოკითხვას ითხოვს, თვითონაც მოინახულა საპატიმროში და გარკვეული იფნორმაცია მიიღო, რაც იზა ომაძეს გადასცა კიდევაც.
თუმცა, მისი თქმით, დეტალებს ვერ გაასაჯაროებს, რადგან ინფორმაცია კონფიდენციალურია.
“ვიცი, რომ მზად არის სასაუბროდ, მან თქვა, რომ ძალიან წუხს ამ ამბის გამო. იმ ორი ადამიანის დაკავება მოხდა სწორედ მისი პოლიციის უფროსის თანამდებობაზე ყოფნის დროს, მას აქვს ის ინფორმაცია, თუ რას ჰყვებოდნენ ეს ადამიანები, მათ შორის მას აქვს ძალიან საინტერესო ინფორმაცია რამდენიმე იმ ადამიანთან დაკავშირებით, რომლებიც დღესაც თანამდებობაზე არიან და რომელიც ამ გამოძიების საქმეს უკავშირდება. უბრალოდ მოქმედი პოლიციის უფროსი, გამოძიებას ვერ ჩაატარებდა, რადგან ეს მისი კომპეტენცია არ იყო, პროკურატურა იძიებდა ამ საქმეს. მე ის რაც მასინ გავიგე და შემეძლო ნიკოს დედისთვის გამეზიარებინა, გავუზიარე, – განაცხადა ბესელიამ გადაცემა “რეაქციაში“.
ჟურნალისტის თხოვნაზე, იქნებ ის მაინც დაეკონკრეტებინა, რომელ სტრუქტურაში არიან ის ადამიანები თანამდებობებზე, რომელთა დასახელებასაც ქვაჭრელიშვილი აპირებს, ბესელიამ შემდეგნაირად უპასუხა:
“ძალოვანშიც და არა ძალოვანშიც, მათ შორის პოლიტიკურ თანამდებობაზეც.“
წყნეთის პოლიციის ყოფილი უფროსი, დიმიტრი ქვაჭრელიშვილი, ვინც ნიკო კვარაცხელიას მკვლელობაში ბრალდებულები დააკავა, გამოკითხვას ითხოვს.
ინფორმაციას მისი ადვოკატი, თორნიკე მიგინეიშვილი ავრცელებს.