„ოსკარის“ მფლობელი ამერიკელი მსახიობი, რობერტ დიუვალი 95 წლის ასაკში გარდაიცვალა. მსახიობის გარდაცვალების შესახებ ინფორმაცია, მსახიობის მეუღლემ, ლუჩიალა დიუვალმა გაავრცელა.
„გუშინ ჩემს საყვარელ მეუღლეს, ძვირფას მეგობარსა და ჩვენი დროის ერთ-ერთ უდიდეს მსახიობს დავემშვიდობეთ“, – დაწერა მსახიობის მეუღლემ სოციალურ ქსელში.
ცნობისთვის, რობერტ დიუვალი ცნობილია ფილმებით „ნათლია“, „აპოკალიფსი ახლა“, „საუბარი“, „ქსელი“, „მოსამართლე“და სხვა. 73-წლიანი კარიერის მანძილზე მან 240-ზე მეტ ფილმში ითამაშა. მოგვიანებით დიუვალმა საკუთარი ფილმები გადაიღო. მათ შორის ყველაზე ცნობილია „მოციქული“.