“გიგა ავალიანის საქმეზე შემიძლია ისევ იგივე გითხრათ, რასაც აქამდე ვამბობდი, რომ დემეტრეს არავითარ მომზადებაში [რა ბრალიც წაუყენეს] მონაწილეობა არ მიუღია. ამისი არავითარი მტკიცებულება არ არსებობს, კონკრეტულად იმ ბრალში. ამას რაც შეეხება, კიდევ ერთხელ ვამბობ, რაშიც არის ჩემი შვილი დამნაშავე, დაე დაისაჯოს. მე არავითარი უსამართლობის განცდა არ მექნება, ოღონდ ობიექტურად.
ჩემი სახლიდან [საგამოძიებო მოქმედებების დროს] არაფერი ამოუღიათ ტელეფონების გარდა. დემეტრეს ტელეფონში არაფერი არ არის ნაპოვნი, ეს ზუსტად ვიცი” – ამბობს გიგა ავალიანის საქმეზე დაკავებული დემეტრე ჩიქოვანის დედა მედიასთან.
ამ წუთებში თბილისის საქალაქო სასამართლოში ავალიანის საქმეზე დაკავებული სამი არასრულწლოვანის პროცესი მიმდინარეობს
