“მის საქართველო 2011“, მოდელმა ჯანეტ ქერდიყოშვილმა სოციალურ ქსელში რუსეთის პირველი არხის რედაქტორის, მარინა ოვსიანნიკოვას ფოტო გამოაქვეყნა, რომელიც პირდაპირ ეთერში ბანერით „არა ომს“ შეიჭრა.
ჯანეტ ქერდიყოშვილმა ბავშვობის მოგონებები გაიხსენა და მადლობა გადაუხადა იმ ადამიანებს, ვინც ამ რთულ ვითარებაში უკრაინას გვერდით დგას.
„მე დავიბადე სანქტ-პეტერბურგში, აფხაზეთიდან დევნილი ჩემი მშობლების ოჯახში და სანამ საქართველოში დავბრუნდებოდი მოსკოვშიც ვცხოვრობდი, ახლა ვხვდები, რამდენად გამიმართლა იქ რომ აღარ ვარ.
დღეს, რასაც რუსეთის ხელისუფლება სჩადის, ამას გამართლება არ აქვს და ყველა ის
ადამიანი, ვინც მდუმარებით უყურებს, არანაკლები დამნაშავეა! დღეს, აფხაზეთის ომის 30 წლის თავზე, ზუსტად ვხვდები და ვგრძნობ იმას, რასაც დედა განიცდიდა გემით რომ ტოვებდა რუსული ტანკებით გარშემორტყმულ თავის მშობლიურ აფხაზეთს. ვხედავ, რასაც უკრაინელი დედები გადიან და განიცდიან.
24 თებერვლის შემდეგ, ასე მგონია, ჩვენც უკრაინაში ვიმყოფებით და ეს ომი ჩვენ წინააღმდეგაც არის. ომს არასდროს ექნება გამართლება.
მადლობა ყველა ქართველს, ვინც რამით მაინც ცდილობს უკრაინელების მხარდაჭერას და მადლობა ამ მამაც გოგოს განსაკუთრებული მაგალითის ჩვენებისთვის, მათ შორის მდუმარებაში მყოფი რუსული ტელევიზიისა და შოუბიზნესის წარმომადგენლებისთვის! – წერს ჯანეტ ქერდიყოშვილი “ფეისბუქი”-ს პირად გვერდზე.
314 ნახვა
