“სტრასბურგმა ყოველ ჯერზე ამხილა ქართული მართლმსაჯულების “პოლიტიზირებულობის” ყველა ბრალდება, როგორც უსაფუძვლო და ცილისმწამებლური. თუმცა, დღემდე, არც ერთ უცხოელ პოლიტიკოსს თუ დიპლომატს არ მოუხდია ბოდიში იმ ქართველი მოსამართლეებისთვის, რომლებიც მიზანმიმართული პოლიტიკური თავდასხმის ობიექტად აქციეს”- წერს საქართველოს პარლამენტის თავმჯდომარე შალვა პაპუაშვილი.
მისი თქმით, როგორც წარსულში, ისე მომავალშიც საზოგადოებამ უნდა გაიხსენოს, ვინ აკრიტიკებს საქართველოს მართლმსაჯულების სისტემას.
„როდესაც, დღევანდელი დღესავით, მომავალშიც ვიხილავთ ზოგიერთი უცხოური საელჩოს კოორდინირებულ, ცილისმწამებლურ ფლეშმობს “პოლიტიზირებულ მართლმსაჯულებაზე”, გვახსოვდეს, ვინ გვაკრიტიკებს.
ცნობისთვის, სტრასბურგმა ყოველ ჯერზე ამხილა ქართული მართლმსაჯულების “პოლიტიზირებულობის” ყველა ბრალდება, როგორც უსაფუძვლო და ცილისმწამებლური. თუმცა, დღემდე, არც ერთ უცხოელ პოლიტიკოსს თუ დიპლომატს არ მოუხდია ბოდიში იმ ქართველი მოსამართლეებისთვის, რომლებიც მიზანმიმართული პოლიტიკური თავდასხმის ობიექტად აქციეს.
არადა, ბოდიში მოსახდელი აქვთ”,- წერს პაპუაშვილი საკუთარ “ფეისბუქ” გვერდზე.