„ცენტრ პოინტ ჯგუფის“ ერთ-ერთი დამფუძნებლი გუკა რჩეულიშვილი სოციალურ ქსელში წერს:
“გუშინ წავიკითხე რაღაც სტატია, სადაც ერთი ცნობილი ფსიქოლოგი აფასებდა 20 საუკუნის ერთერთ მთავარ პოლიტიკურ მოვლენას. ეს ბოლო პერიოდია პირადი საჭიროებიდან გამომდინარე ფსიქოლოგიით დავინტერესდი, სტატიის წაკითხვის შემდეგ გადავწყვიტე ჩვენ ქვეყანაში მიმდინარე მოვლენებისთვის ამ ჭრილში შემეხედა.
ობიექტური რეალობიდან გამომდინარე ცენტრალური ფიგურა ამ ანალიზში მიხეილ სააკაშვილია, რამეთუ მასში მოხდინა ჩვენმა კოლექტიურმა ცნობიერმა მანიფესტირება.
კარტმანის მიხედვით, ადამიანები ირგებენ სამ ძირითად როლს “მსხნელი”, “მჩაგვრელი” და “ჩაგრული” ცოტა ადამიანს შეუძლია ამ სამკუთხედიდან გამოსვლა და თვითრეალიზაცია, განსაკუთრებით ჩვენაირ ქვეყანაში სადაც პირველადი მოთხოვნილებები როგორიც არის – “საკვები და უსაფრხოება” არ არის დაკმაყოფილებული. ამიტომაც უმრავლესობა თავისი ცნობიერი თუ არაცნობიერი როლის პროექციას აკეთებს მიშაზე და რეაგირებს ამის მიხედვით, ხედავს მასში მსხნელს, მჩაგვრელს, ან ჩაგრულს. თან ამას კიდევ უფრო ხელი შეუწყო თვითონ მიშამ, კერძოდ კი “წმინდა გიორგის” წამოწევამ და მასთან თავის გაიგივებამ.
წმინდა გიორგი როგორც ყველა გველეშაპთან მებრძოლი გმირის არქეტიპი დუალურია. რამეთუ, გმირი და გველეშაპი ერთი და იგივე ინდივიდის ორი მხარეა, ინი და იანი, ამიტომაც არის რომ დღეს მოსახლეობის დიდი ნაწილი მასში ან გმირს ხედავს და ან ურჩხულს. მისი გრავიტაცია იმდენად დიდია, რომ ყველაფერი მის ირგვლივ ტრიალებს, პარტიები და მედიები ფასდება მისდამი ერთგულებით, ან ღალატით, აღიარებით, ან უარყოფით, ბიძინა ივანიშვილიც კი ფასდება მასთან მიმართებაში და არა როგორც ცალკე აღებული ფიგურა. ეს ყველაფერი კარგია, თუ ცუდი ეგ სულ სხვა თემაა, ამ შემთხვევაში მე უბრალოდ ანალიზი გავაკეთე, დანარჩენი კი თქვენთვის მომინდია”, – წერს რჩეულიშვილი “ფეისბუქი”-ს პირად გვერდზე.