ჩვენ რომ ორპოლუსიანობაზე ვსაუბრობთ, მოვთქვამთ, ვწერთ ხოლმე, ორპოლუსიანობაში ყველაზე ნაკლებად დამნაშავეა ოცნება და ნაციონალური მოძრაობა. ორპოლუსიანობა მოდის, იქიდან, რომ ნომრით და ადგილით მე-3, მე-4, მე-5 თუ მე-6 პარტიები ერთმანეთისგან არც იდეოლოგიურად განსხვავდებიან დიდად ან იმდენად პატარები არიან, რომ შეიძლება, ის იყოს… ამიტომ, მათ თუ არ მონახეს საერთო ენა, შეუძლებელი (იქნება) – ამის შესახებ ოპოზიციონერმა პოლიტიკოსმა გიგი უგულავამ TV – “პირველი” -ს ეთერში საუბრისას განაცხადა.
უგულავას აღნიშნულ განცხადებას “ტაბულა”-ს დამფუძნებელი, ჟურნალისტი თამარ ჩერგოლეიშვილი სოციალურ ქსელში ეხმაურება:
“ეს ჭკუასუსტი ღამურა ვისი სახელით საუბრობს ხომ არ იცით? ვინაა, რას წარმოადგენს?
თავის თავზე ილაპარაკოს, თვითონ არც ღირებულებები გააჩნია, არც პრინციპები, არც იდეოლოგია და არც თავმოყვარეობა – ეს ვიცით.
მეხუთე პარტია – ევროპული საქართველოა და ამ პარტიას ღირებულებითი უფსკრული აქვს ძალებთან, რომლებიც “ქართულ მიწას არ ყიდიან” და “ჩამოთრეულებს” იგერიებენ (ეს ერთია, უამრავ განსხვავებას დავწერ).
ლელო (მეოთხე ეგა, ოდნავ გვისწრებს) და ხაზარაზე ჯაფარიძე თუ აძლევენ მათი სახელით საუბრის უფლებას – მათი ნებაა.
ეს დასაცინი ღამურა ჩვენი სახელით ვერაფერს იტყვის”, – წერს ჩერგოლეიშვილი “ფეისბუქი”-ს პირად გვერდზე,
ტელეკომპანია “პირველი”-ს გადაცემაში “რეაქცია” გიგი უგულავამ განაცხადა:
“აპათია შეუძლებელია იყოს ცალმხრივად. აპათია ნიშნავს, რომ არავინ აღარ მაინტერესებს და ეს ვრცელდება ხელისუფლებაზეც და ოპოზიციაზეც. სხვადასხვა პროპორციით, მაგრამ ორივეზე ვრცელდება. და ოპოზიციამაც, ამ შემთხვევაში, ბრძოლის სტრატეგია უნდა დადოს, ანუ როგორ გადიხარ შენ მომავალ ბრძოლაში. ფაქტი არის შემდეგი, რომ ერთ მხარეს არის “ოცნება” თავისი ადმინისტრაციული რესურსებით, მეორე მხარეს არის ნაციონალური მოძრაობა, რომელიც არის ძლიერი პარტია, მას დიდი ამომრჩეველი ჰყავს და ა. შ. მაგალითად, მან ბოლო არჩევნებზე 550 000 ხმა აიღო, გაყალბებით, მაგრამ მინიმუმ… კიდევ შეიძლება 100 000 ხმა დაემატოს თუ მიშა გარეთ იქნება, ან რომც არ იყოს, მაგრამ მისი აქტიური მონაწილეობით, ამას მიაღწევს.
მაგრამ დანარჩენი 500 000 ხმა არის გაბნეული, მყარად ოპოზიციურად გაბნეული. ამიტომ, ჩვენ რომ ორპოლუსიანობაზე ვსაუბრობთ, მოვთქვამთ, ვწერთ ხოლმე, ორპოლუსიანობაში ყველაზე ნაკლებად დამნაშავეა ოცნება და ნაციონალური მოძრაობა. ორპოლუსიანობა მოდის, იქიდან, რომ ნომრით და ადგილით მე-3, მე-4, მე-5 თუ მე-6 პარტიები ერთმანეთისგან არც იდეოლოგიურად განსხვავდებიან დიდად ან იმდენად პატარები არიან, რომ შეიძლება, ის იყოს… ამიტომ, მათ თუ არ მონახეს საერთო ენა, შეუძლებელი იქნება”, – განაცხადა უგულავამ.