მდინარე ფრონეზე, ოკუპირებული სოფელ ავნევთან არგენტინული მახრჩობელა გველი იპოვეს. აღნიშნულ ინფორმაციას ცხინვალში მცხოვრები ფლორისა და ფაუნის მკვლევარი ჟურნალისტი ვლადიმერ გაბაევი ავრცელებს.
“თავიდან პითონივით მომეჩვენა. მაგრამ სანდოობისთვის ჩემს რუს კოლეგებს დავუკავშირდი. რუსეთის მეცნიერებათა აკადემიის ზოოლოგიური ინსტიტუტის თანამშრომელმა კონსტანტინე მილტომ დაადგინა, რომ გველი არგენტინული გველია – ბოა. ასეთი გველები ადამიანებთან ახლოს არიან, ბუნებაში არ ცხოვრობენ, იკვებებიან სახლში”, – განაცხადა გაბაევმა.
გავრცელებული ინფორმაციით, ქვეწარმავალს ერთ-ერთი ადგილობრივი ცხინვალში, სახლში ზრდიდა. ბოს პატრონი 2021 წელს გარდაიცვალა, არგენტინული სახეობის გველმა კი ბუნებაში დაიდო ბინა.
