“ძალიან სამწუხარო და დასანანია, ძალიან მწყდება გული” – კალაძე ღარიბაშვილზე

დღეს თქვენ იცით, რომ პარტია დატოვა, პოლიტიკური საქმიანობა დატოვებული აქვს, ამასთან დაკავშირებით განცხადება მან პირადად გააკეთა პარტიის ოფისში რამდენიმე თვის წინ. აღნიშნული ფაქტი, რასაც ვისმენთ ბოლო დღეების განმავლობაში, სამწუხაროა, დასანანია, მე დამატებით ვერაფერს ვიტყვი, დაველოდოთ შესაბამის უწყებებს და გამოძიებას.

რაც შეეხება კითხვებს, არ გვქონია, იმიტომ, რომ რაც შეეხება ავტომობილებს, ეს იყო სახელმწიფო საკუთრება, რითაც პრემიერ-მინისტრი გადაადგილდებოდა, რაც შეეხება [შვილის ჩარტერით აშშ-ში] გადაფრენას, ამასთან დაკავშირებით მან განმარტებები გააკეთა და დღეს აღნიშნული საინტერესო არ არის. დაველოდოთ პასუხებს, დაველოდოთ გამოძიება როგორ წარიმართება, როგორ დასრულდება და მერე გააკეთეთ დასკვნები, წინასწარ არ არის სწორი და არ არის ლამაზი“, – ნათქვამია კალაძის განცახადებაში.

შეგახსენებთ, რომ ირაკლი ღარიბაშვილს განსაკუთრებით დიდი ოდენობით უკანონო შემოსავლის ლეგალიზების ფაქტზე ბრალდება დღეს წარედგინა. გამოძიების ვერსიით, ღარიბაშვილი თანამდებობაზე ყოფნის პერიოდში „ფარულად და შენიღბულად ეწეოდა სხვადასხვა ტიპის ბიზნესსაქმიანობას და იღებდა დიდი ოდენობით არალეგალურ შემოსავლებს“.