სასამართლომ 71 წლის დევნილ ქალს აზა ჩილაჩავას, რომელიც საპროტესტო აქციაზე პირბადის ტარებას ედავებოდნენ, სიტყვიერი გაფრთხილება მისცა. მას სამართალდარღვევის ოქმი 19 ოქტომბერს შეუდგინეს.
შეგახსენებთ, რომ გაგრიდან დევნილი აზა ჩილაჩავა რუსთაველის აქციების მუდმივი მონაწილეა. 19 ოქტომბრის საღამოს კრიმინალური პოლიციის ათობით თანამშრომელმა ის თავისუფლების მეტროსთან გააჩერა, სამედიცინო პირბადე ჩამოართვა და ოქმი შეუდგინა.