“არ ვარ დარწმუნებული, რომ გახარიას პარტიიდან პარლამენტში შემოსული დეპუტატები სათანადო ცოდნას და ინტელექტს ფლობენ, რომ საქმიანი დებატები აწარმოონ” – ამის შესახებ ნინო წილოსანმა მედიასთან საუბრისას განაცხადა.
მისი თქმით, გახარიას პარტიის პარლამენტში შესვლა არის კიდევ ერთი დასტური მათი მხრიდან პარლამენტის ლეგიტიმურობის აღიარების.
„ფაქტია, რომ უკან დახევის ძალიან ლამაზ და ფრთხილ საშუალებებს ეძებენ. თავიანთ განცხადებებში სასაცილოც კი ჩანან ისე ცდილობენ, რომ მათი შემოსვლა რაღაცით გაამართლონ. როდესაც ხალხმა პარლამენტს ნდობა გამოუცხადა, ამის ფეხქვეშ გათელვა არავის ეპატიება და ახლა გადაწყვიტეს, რომ საკუთარ ამომრჩეველს მცირედით მაინც სცენ პატივი და გააგრძელონ მუშაობა პარლამენტში.
საქმიანი ოპონირება რომ გაუწიო, უნდა გქონდეს შესაბამისი ცოდნა და ინტელექტი. არ ვარ დარწმუნებული, რომ გახარიას პარტიიდან შემოსული დეპუტატები სათანადო ცოდნას და ინტელექტს ფლობენ, რომ საქმიანი დებატები აწარმოონ. პირიქით, შესაძლოა, სპეკულაციებს მიჰყონ ხელი და გაიტანონ ის ცრუ ინფორმაცია, რომელიც არა ერთხელ, მათ შორის, მათი წინა პარლამენტში მონაწილეობის დროს მოგვისმენია,“ – განაცხადა წილოსანმა.