პუტინმა იმედი გამიცრუა. ის ძალიან ბევრ ადამიანს კლავს და კიდევ უფრო მეტ ადამიანს კარგავს, ვიდრე კლავს, – ამის შესახებ აშშ-ის პრეზიდენტმა, დონალდ ტრამპმა დიდი ბრიტანეთის პრემიერ-მინისტრთან, კირ სტარმერთან ერთად გამართულ პრესკონფერენციაზე განაცხადა.
მისივე თქმით, რუსი სამხედროების მსხვერპლი უფრო დიდია, ვიდრე უკრაინელების.
„რუს სამხედროების მსხვერპლი უფრო დიდია, ვიდრე უკრაინელების. დიახ, მან იმედი გამიცრუა. იცით, ეს არ აისახება აშშ-ზე, თუ, რა თქმა უნდა, ყველაფერი არ დასრულდება მსოფლიო ომით და ეს შესაძლებელი იყო. ეს ომი არასდროს მოხდებოდა, აშშ-ის პრეზიდენტი მე რომ ვყოფილიყავი. არც მოხდა ოთხი წლის განმავლობაში. მე ვესაუბრე პუტინს უკრაინაზე, მას ყოველთვის ეჭირა თვალი უკრაინაზე, მაგრამ ის არასდროს გააკეთებდა იმას, რაც გააკეთა, მხოლოდ იმ შემთხვევის გამოკლებით, თუ ის არ სცემდა პატივს აშშ-ის ხელმძღვანელობას, რომელმაც გამოიარა სრული კატასტროფა ავღანეთში“, – განაცხადა ტრამპმა.
როგორც დონალდ ტრამპმა აღნიშნა, უკრაინაში ომის მსხვერპლი ძალიან დიდია და ეს ვალდებულს ხდის, კონფლიქტი მოაგვაროს.
„მე ძალიან იმედგაცრუებული ვარ, რომ უკრაინაში ომი არ არის მოგვარებული. ჩვენ მოვაგვარეთ აზერბაიჯანის და სომხეთის საკითხი, რომელიც წლების განმავლობაში გრძელდებოდა, ეს არასდროს მოგვარდებოდა. ასევე, მოვაგვარეთ კონგოსა და რუანდის კონფლიქტი, ინდოეთისა და პაკისტანის ომი. რაც შეეხება რუსეთს, იმედი მაქვს, რომ გვექნება კარგი ამბავი“, – განაცხადა ტრამპმა.